Dnyandeep

म्हणी व त्यांचा अर्थ

Sayings and their meanings -

· साप साप म्हणून भुई थोपटू नये - संकट नसतांना त्याचा आभास निर्माण करणे .

· हाताच्या कंकणाला आरसा कशाला ? - स्पष्ट र असलेल्या गोष्टीला पुरावा नको .

· हत्ती गेला पण शेपुट राहिले - कामाचा बहुतेक भाग पूर्ण झाला आणि फक्त थोडा शिल्लक राहिला .

· हलवायाच्या घरावर तुळशीपत्र - परस्पर या दुसऱ्याची वस्तू तिसऱ्याला देणे ; स्वत : ला झीज लागू न देणे जगजात

· हाजीर तो वजीर - जो ऐन वेळेला हजर असतो त्याचाच फायदा होतो .

· हातचे सोडून पळत्याच्या मागे लागणे - जे आपल्या हातात आहे ते सोडून दुसरे मिळेल या आशेने हातातले सोडण्याची पाळी येणे .

· हिरा तो हिरा , गार तो गार - गुणी माणसाचे गुण प्रकट झाल्यावाचून राहत नाही .

· हात फिरे तिथे लक्ष्मी वसे - उद्योगी माणसाच्या कार घरी संपत्ती नांदते .

· हत्तीच्या पायी येते आणि मुंगीच्या पायी जाते - पण आजार संकटे येतात ती लवकर मोठया प्रमाणावर येतात ; पण कमी होतांना हळूहळू कमी होतात .

· हात ओला तर मित्र भला - फायदा असेपर्यंत सगळे गोळा होतात , म्हणजेच तुमच्यापासून काही फायदा होणार असेल तर लोक तुमचे गोडवे गातात.

· शितावरुन भाताची परिक्षा - वस्त न भाताची परिक्षा - वस्तूच्या लहान भागावरुन त्या संपुर्ण वस्तूची परीक्षा करणे .

· शहाण्याला शब्दाचा मार - शहाण्या माणसाला त्याच्या चुकीबाबत शब्दांनी समज दिली तरी ते पुरेसे असते .

· शेरास सव्वा शेर - चोरावर मोर , म्हणजेच एकाला दुसरा वरचढ भेटणे .

· शेजी देईल काय आणि मन धायेल काय ? - शेजारणीने एखादा पदार्थ सढळ हाताने करुन दिला तरी मनाची तृप्ती होऊ शकत नाही .

· सगळेच मुसळ केरात - मुख्य व महत्वाच्या गोष्टीकडेच दुर्लक्ष झाल्याने घेतलेले सर्व परिश्रम वाया जाणे .

· सरडयांची धाव कुंपणापर्यंतच - प्रत्येकाच्या छाहीर कामास त्याची शक्ती वा वकूब यांची मर्यादा पडते .

· सारा गाव मामाचा एक नाही कामाच - जवळच्या अशा अनेक व्यक्ती असणे पण त्यापैकी कोणाचाच उपयोग न होणे .